|
|
||||||
 Sheikh Shariif Oo Muqdisho Ku Wajahan Maalmaha Soo Socda Iyo Qoryaasha Uu Damacsan Yahay. XOGTA SOMALILANDERS AKHRI
0
Saturday September 17, 2016 - 17:04:01 in Wararka by
Hargeysa(SOMALILANDER) Madaxweynihii hore ee Soomaaliya Shariif Sheekh Axmed ayaa todobaadkan ku soo wajahan magaalada Muqdisho,
isagoo miisaan u yeeli doona Tartanka Musharaxnimada Madaxweynaha Soomaaliya oo lagu wado inay dhacdo 30-October.
Qaban qaabo iyo diyaar garowga Safarka Madaxweynihii hore Sheekh Shariif ayaa ka socota magaalooyinka Nairobi iyo Muqdisho, waxaana lagu wadaa in loo soo dhoweeyo si ka duwan sidii loo soo dhoweeyay musharixiintii hore.
Boodhadh ay ku qoran yihiin sawirada Sheekh Shariif oo aan wali ku dhawaaqin Musharaxnimadiisa ayaa diyaarintiisa ay socotaa, waxaana qaarkood si horu dhac ahaan loo soo geliyay baraha bulshada sida Facebook.
Wararka ayaa intaa ku daraya in Sheekh Shariif ay u soo dhamaatay qaban qaabadiisa dhinaca dibadda ee ku aadan ololihiisa musharaxnimo, waxaana lagu wadaa inuu dalka dib ugu soo laabto, isagoo ay wax walba u dhameystiran yihiin.
Waxaa la diyaariyay Guryihii uu degi lahaa iyo goobihii ay ku howl geli lahaayeen Kooxdiisa Ololaha Doorashada, sidoo kale ammaankiisa ayaa waxaa la sheegay inay sugi doonaan Ciidamo gaar ah oo ay qeyb ka yihiin AMISOM.
Sheekh Shariif oo tan iyo markii uu xilka ka wareejiyay ka gaabsanayay ka hadalka arrimaha siyaasada ee qalbaka warbaahinta ayaa la rumeysan yahay inuu culeys ku noqon doono Madaxweyne Xasan Sheekh oo mar kale doonaya inuu dib u soo laabto.
Madaxweynihii hore ayaa olole diblomaasiyadeed ka waday Nairobi, Kampala iyo Imaaraadka Carabta oo fadhiisin u aheyd, waxaana uu kulamo la qaatay dhinacyo kala duwan oo ku lug leh arrimaha Siyaasada Soomaaliya.
Mr Shariif ayaa lagu wadaa in marka uu soo gaadho magaalada Muqdisho uu ku dhawaaqo Musharaxnimadiisa.
|
|
|||||
| Nagala soo xiriir: [email protected] |
| Copyright © 2009 - 2024 Somalilanders.com All Rights Reserved. |
Sheikh Shariif Oo Muqdisho Ku Wajahan Maalmaha Soo Socda Iyo Qoryaasha Uu Damacsan Yahay. XOGTA SOMALILANDERS AKHRI
Hargeysa(SOMALILANDER) Madaxweynihii hore ee Soomaaliya Shariif Sheekh Axmed ayaa todobaadkan ku soo wajahan magaalada Muqdisho,