Madaxweynaha waqtiga ka dhamaaday ee dowlada Soomaaliya Xasan Shiikh Maxamuud ayaa ka hor markii uu kursiga Madaxweyne qabanayey ahaay macalin ay soo gasho mushaharka uu ka helo Jaacamadda SIMAD, islaamihiisana waxay ahaayeen kuwa shidaal gada iyo kuwa guri
joogto
ah.Markiise xilka loo dhiibay waxaa mar kaliya is badelay muuqaalkoodii
dhaqaale, waxaana ay xaasaskiisa boob toos ah ku bilaabeen hantida
dadweynaha. Waxaana la arkay iyagoo iibsi ugu dhaqaaqay boosaska ugu
qaalisan magaalada Muqdisho ee Caasimadda u ah dalka Soomaaliya.
- Kuma
joogsan inay dhulkaasi iibsadaan, ee waxaa haddana ay goobahaasi ka
dhisteen dabaqyo dhaadheer, oo hanti badan la geliyey. Taasi oo calaamad
su’aal gelineysa Musuqmaasuqa muuqda ee xarga-gooyey oo ay sameeyeen
xaasaska Madaxweyne Xasan Shiikh Maxamuud.
Odey Maxamed Ali, oo ka mida cuqaasha magaalada Muqdisho , derisna la
ahaa Sahro Indhayar oo ah xaaska Madaxweynaha ayaa waxaa uu wax lala
yaabo ku tilmaamay u bareerida hantida dadweynaha ee 4 sano gudaheed
laga taajiray, isagoona tusaale u soo qaatay xaaladiii dhaqaale ee Sahro
Indhayar iyo sida ay maanta tahay.
"Xaa loo lahaa hantida dadweynaha dadkii dhaca waa lala
xisaabtamayaa, xaa loo arki waayey xaasaska Xasan Shiikh ee dabaqyada ka
dhistay wadada Maka-Almukarama?, mise kuwaasi sharcida dowlada ma
qabanayo, ee waaba caawinayaa inay sii dhacaan dadka” ayuu yiri odey
Maxamed Ali, oo intaasi raaciyey.
"Qof isagaba aan shalay heysan 100 dollar oo uu qof siiyo,
miyaa maanta la iga dhaadhicin karaa 10, 000 dollar ayey maalintii la
arko dad siineysaa?Xaggee lacagtaasi ka timid?” ayuu yiri odey Maxamed
Ali.
Marwo Qamar ayaa lafteeda ka mid ah xaasaska Xasan Shiikh ee ku
maaleystay magaca ninkeeda Madaxweynaha ka ahaay dalka Somalia, waxeeyna
caado ka dhigatay in loo qabto xaflado ay ku baxdo lacago badan, halka
ay qoysas badan oo Soomaaliyeed la daalaa dhacayaan abaaro xun oo dalka
halakeeyey.
"Qamar xafladeey dhiganeysaa, oo hantidii dalkey tamashleyn ugu
dhaqaaqday, dadkiina abaar ayaa leysay.” ayey tiri hooyo Isniino Calasow
oo ku jirta guryaha barakacayaasha ee ku yaala taalada Sayidka.
Shirkadaha diyaaradaha waxaa ay saarteen saami ay wax ku
leeyihiin xaasaskan, waxaa Sidoo kale ay bilaabeen inay mid ka mid ah
xaasaska ay mashruuc ahaan u qaadato warqadaha viise-ahaan dadka loogu
saaro baasaboorka marka ay dalka soo galayaan, taasi oo dhan qofkasta in
la saarto 10 dollar.
"Qofka wata baasaboorka ajnabiga ah waxaa laga qaadi jiray 50 dollar,
haddase xaaska Madaxweynaha ayaa loogu daray 10 dollar, taasi oo ka
dhigeysa in qofkasta uu bixiyo 60 dollar. Dalka noocaasi ah miyaa rajo
laga sugayaa, mise ninka sidaasi yeelay ayaa mar kale la dooran karaa”
ayuu yiri Farah Jama oo ah aqoonyahan ka madaxa hay’adda la dagaalanka
musuqmaasuqa Soomaaliya.
Waxaana uu intaasi ku daray in Xasan Shiikh Maxamuud waxa lagu
xasuusan doono ay tahay in isaga iyo Xaasaskiisa ku taajireen 4 sano oo
uu xukunka joogay, waliba ay soo galeen liiska rugta ganacsiga, mid ka
mid ah xaasaskiisana lagu wado in dhawaan guddoomiye looga dhigo.
Ugu danbeyntii dowlada uu hoggaamiyo Xasan Shiikh Maxamuud ayaa
noqoneysa dowladii ugu musuqmaasuqa badneyd ee abid soo marta dalka
Soomaaliya, waxaana laga dareemay hanti boobkiisa guri kasta oo
Soomaaliyeed ilaa hay’addaha taageera Soomaaliya oo dib ula noqday wixii
ay ku taageeri jireen dalkan, maadaama ay arkeen boobka tooskaa ee
dalkan ka socda.
[Topnews:-] Daawo Hanti boobka Garguurte iyo Xaasaska sidee ahaayeen afar sano ka hor ?
Madaxweynaha waqtiga ka dhamaaday ee dowlada Soomaaliya Xasan Shiikh Maxamuud ayaa ka hor markii uu kursiga Madaxweyne qabanayey ahaay macalin ay soo gasho mushaharka uu ka helo Jaacamadda SIMAD,