Xasan Guure jaamac, oo sii hadlaya waxa uu sheegay "Waxaan Morgan kula talinayaa oo aan leeyahay iska cibaadeyso xilligan, waayo? Soomaali xilli ay isku hanjabto ma joogto oo wixii aynu kala qaadi lahayn waynu kala qaadnay ee annaguba hubkii iska dhignaye adna iska dhigoo nin weyn oo adey ah noqo oo iska cibaadeyso, Soomaalina colaad ha ugu baaqin ee nabad ugu baaq.” Ayuu yidhi, waxaanu intaa ku daray oo uu ka hadlay go’aankii uu Madaxweynaha Somaliland kaga tanaasulay Musharraxnimadiisii shanta Sanadood ee dambe, "Madaxwaynaha aad baan ugu hambalyeynayaa inuu gartay inuu Kursiga ka tago oo aanu wadi kareynin, inkasta oo la leeyahay Caafimaad-baan jirin, haddana yeelkadeeda, waayo? Xabiib Burqiiba ba intaas oo sanadood ayuu Xukunka sii fadhiyey isagoon Caqli lahayn oo aan waxba kala garanaynin.”